Techie IT
×
गृहपृष्ठअर्थलाङटाङ उपत्यका

लाङटाङ उपत्यका


विशेषता
लाङटाङ हिमशृंखला  लाङटाङ लिरुंग, लाङटाङरी, दोर्जे लाप्का, च्यांबुलगायत एक दर्जन अधिक हिमालहरूको समुच्च स्वरूप हो। लाङटाङ हिमश्रृंखलाकै लाङटाङ उपत्यकखले पदयात्रीलाई लोभ्यान सकेको हो।
त्यसो त लाङटाङ काठमाडांैबाट त्यति टाढा होइन। पदयात्रा कठिनाइका दृष्टिकोणबाट मध्यम स्तरको र लागतका हिसाबले किफायती नै मानिन्छ। पदयात्रा गर्न सरकारले बाधाबन्देज वा प्रतिबन्ध लगाएको छैन।
पदयात्रा विधि
लाङटाङ उपत्यका पदयात्राका लागि काठमाडौंमा आइपुगेको पदयात्री धुन्चे हँुदै स्याफ्रुबेसी पुग्नुपर्दछ, जहाँ सडक यातायातबाट ८–९ घण्टामा  पुग्न सकिन्छ। स्याफ्रुबेसीबाट पदयात्रा शुरू गर्ने क्रममा पहिलो दिन ब्याम्बो हुँदै पास लामा होटल पुग्ने गरी यात्रा तय गर्नुपर्दछ। २ हजार ५ सय ५ मिटर उचाइमा रहेको उक्त होटलमा पुग्न ६ घण्टाको पैदल यात्रा गर्नपर्दछ। सन् १९७६ देखि सञ्चालनमा रहेको यो होटल लाङटाङ निकुञ्ज क्षेत्रमा रहेको छ।
 दोस्रो दिन लाङटाङ गाउँ पुग्ने गरी यात्रा तय गर्नुपर्दछ। ६–७ घण्टाको पैदल यात्रा गरी पुग्न सकिने उक्त गाँउ ३ हजार ४ सय ३० मिटर उचाइमा रहेको छ। तेस्रो दिन क्यान्जेङ गोम्पाका पुग्नेगरी यात्रा तय गर्नुपर्दछ। ३ घन्टा पुग्न सकिने उक्त गोम्पा ३ हजार ८ सय ७० मिटर उचाइमा रहेको छ।
तेन्जेन गोम्पा पुगेपश्चात पदयात्रीले लाङटाङ भ्याली पुगेको महसुस गर्दछन। पदयात्री यो भन्दाअघि बढ्न चाहेमा तेस्को री पुग्न सक्दछ। ७–८ घण्टाको यात्रमा पुग्न सकिने उक्त तेस्को री ४ हजार ९ सय ८४ मिटर उचाइमा अवस्थित छ।
ततपश्चात सिधै काठमाडौं फिर्ता हुने अथवा गोसाइँकुण्ड, लाङटाङ राष्ट्रिय निकुञ्ज, हेलम्बुसम्म पुग्ने त्यो पदयात्रीको रोजाइमा भर पर्दछ। यसरी लाङटाङ क्षेत्रको पदयात्राका लागि औसत १५ दिन छुट्टाउनु बेस हुन्छ।
दृश्यावलोकन
लाङटाङ भ्याली पदयात्रा गर्ने पदयात्रीले हिमश्रृंखलाको हकमा ७ हजार २ सय ४६ मिटर उचाइको लाङटाङ लिरुङ, ६ हजार ३ सय ८८ मिटर गाङछेन्पो, ५ हजार ८ सय ४६ मिटर उचाइको नयाँ कांग्री, ६ हजार ९ सय ६६ मिटर उचाइको दोर्जे लाक्पालगायतका हिमाल, प्राकृतिक दृष्यको हकमा हिमचट्टान (ग्लेसियर), कोणधारी जंगल (पाइन फोरेस्ट), विशाल चट्टान (बोल्डर्स), घासे मैदान (ग्रासी मिडोज), हिमनदी, खोला, लालीगुराँस, वाँसको जंगल (ब्याम्बो फरेस्ट), झरनाहरू, मन लोभ्याउने हरिया खेतबारी, विभिन्न प्रजातिका फूल, चौरी चरन, तेस्को रीको सूर्याेदय (४ हजार ९ सय ८४ मिटर), कला संस्कृतिको हकमा तामाङ तथा शेर्पाको बौद्ध संस्कृति, प्राचीन क्यान्जिङ गुम्बा, लाङटाङ गुम्बा, याक फार्म, चिज कारखाना, चराचुरुंगी तथा जीवजन्तुको हकमाडाँफे, रेडपान्डा, बाँदर, हिमभालु, हरिण अवलोकन गर्न सक्दछन।
लाङटाङ उपत्यका पदयात्री गर्ने पदयात्रीले गोसाइँ कुण्ड तथा लाङटाङ राष्ट्रिय निकुञ्जसमेत यात्रा तय गरी भैरव कुण्ड, सूर्यकुण्ड, सरस्वती कुण्ड, पर्यटकीय गाउँ हेलम्बु मनमोहक छटा दृष्टिगोचर गर्न छुटाउनु हँुदैन।


तपाईको प्रतिक्रिया